Слова песни Светлана Кашапова(Закирова) — ХЫЯЛЫЙЛАР ИТӘСЕҢ БИТ Венер Фәттах, Хәмид Маткаримов

ХЫЯЛЫЙЛАР ИТӘСЕҢ БИТ
Хәмид Маткаримов көе

Хыялыйлар итәсең бит,
Сагынуга юк чама.
Ике ярны бер итәрлек
Юк мени берәр чара?

Каршы ярда син йөрисең,
Уйларыңда мин микән?
Араларны юк итәрлек
Бер чара да юк икән.

Өзгәләнмә, үрсәләнмә,
Күперләр булыр әле.
Очрашуның, кавышуның
Безгә дә килер мәле.

Сагынуны ничек басыйм,
Синең хакта уйларым.
Төшемнән алырга сине
Эх, җитми шул буйларым.

Венер ФӘТТАХ